• అట్టహాసంగా టాంటెక్స్ 40 ఏళ్ల పండుగ | సంగీత దర్శకుడు కోటి హంగామా | TANTEX Diwali Event
• డల్లాస్‌లో మార్మోగిన తెలుగు సంస్కృతి | TANTEX 40 Years Celebrations | Koti Musical Night
• అమెరికాలో అట్లతద్ది & కోలాటం
• 4,000 మందితో డల్లాస్ అదిరిపోయింది!
• అద్భుతమైన ఏకాదశావధానం & సాంస్కృతిక వేడుకలు!

డల్లాస్–ఫోర్ట్ వర్త్, టెక్సాస్: ఉత్తర టెక్సాస్ తెలుగు సంఘం (టాంటెక్స్) తన 40వ వార్షికోత్సవాన్ని పురస్కరించుకుని నిర్వహించిన దీపావళి వేడుకలు అత్యంత వైభవంగా, నేత్రపర్వంగా ముగిశాయి. డల్లాస్–ఫోర్ట్ వర్త్ పరిసర ప్రాంతాల నుండి దాదాపు 4,000 మందికి పైగా తెలుగు ప్రజలు హాజరైన ఈ సంబరం సంప్రదాయం, సాహిత్యం, కళలు, సంగీతాల వినూత్న సమ్మేళనంగా నిలిచింది.తెలుగు సాహిత్య విశిష్టతను చాటిచెబుతూ నిర్వహించిన 'ఏకాదశావధానం' ఈ వేడుకల్లో ప్రధాన ఆకర్షణగా నిలిచింది.ప్రొఫెసర్ పుదూరు జగదీశ్వరన్ అధ్యక్షత వహించి అవధాన ప్రక్రియ నిబంధనలను వివరించారు.

అవధాని: 'ప్రవాసాంధ్ర ప్రభాకర' బిరుదాంకితులు, ప్రముఖ అవధాని నేమాని లక్ష్మీ నరసింహ సోమయాజులు (అవధాని వేదాండ్ర) అత్యంత ప్రతిభావంతంగా అవధానాన్ని నిర్వహించారు. 

200 మంది చిన్నారులతో సాంస్కృతిక కార్యక్రమాలు 

భారతీయ కళారూపాలను భావితరాలకు అందించే లక్ష్యంతో నిర్వహించిన సాంస్కృతిక ప్రదర్శనలు అలరించాయి.

నృత్య ప్రదర్శనలు: టాంటెక్స్ సాంస్కృతిక విభాగ అధ్యక్షురాలు అనిత ముప్పిడి వేమిరెడ్డి నాయకత్వంలో 200 మందికి పైగా చిన్నారులు వివిధ రకాల నృత్య రూపకాలతో తమ ప్రతిభను చాటుకున్నారు. కేదార్ జోస్యుల, గీతిక పిల్లలమర్రి తమ వ్యాఖ్యానంతో కార్యక్రమాన్ని ఆద్యంతం ఉత్సాహభరితంగా నడిపించారు.

కోటి సంగీత విభావరి – మార్మోగిన ప్రాంగణం

వేడుకలకు ముగింపుగా ప్రముఖ సంగీత దర్శకుడు కోటి నిర్వహించిన సంగీత విభావరి ప్రేక్షకులను ఉర్రూతలూగించింది. కోటి తన సంగీత బృందంతో కలిసి మూడు గంటలకు పైగా శ్రోతలను మధురమైన పాటలతో అలరించారు.

ప్రత్యేక అతిథి: ఫ్రిస్కో మేయర్ మార్క్ ఈ వేడుకలకు ప్రత్యేక అతిథిగా హాజరై నిర్వాహకులను అభినందించారు.

నాయకత్వ బృందం కృషి & ధన్యవాదాలు

టాంటెక్స్ అధ్యక్షురాలు మాధవి లోకిరెడ్డి నాయకత్వంలో ఉత్తరాధ్యక్షులు ఉదయ్ కిరణ్ నిడిగంటి, ఉపాధ్యక్షులు సునీల్ సూరపురాజు, ఎల్.ఎన్. కోయ, దీప్తి సూర్యదేవర, వీర లెనిన్ తుళ్లూరి, లక్ష్మీ నరసింహ పొపూరి, దీపిక రెడ్డి పేటా, ఆర్.బి.ఎస్. రెడ్డి, అర్పిత ఒబులారెడ్డి, అనిత ముప్పిడి వేమిరెడ్డి, పవన్ నర్రా, కమలాకర్ దేవరకొండ, వెంకట్ బొల్లా తదితర పాలక మండలి (GOB) సభ్యులు, వాలంటీర్లు సమిష్టిగా కృషి చేసి ఈ కార్యక్రమాన్ని దిగ్విజయం చేశారు.